THE WINDOW VENTANAS

Bazen behin, Tolosa aldean, izen arraro hau zuen pop talde bat. Zortzi urte lan egin ondoren bi maketa interesgarri zituzten, baina inongo etxe diskografikako kontraturik ez. Etsituta, dena bertan behera uztea erabaki zuten eta beraien sakelak hustuz, “Naizitenjan”, 17 abestiz beteriko diska borobil hau ekoiztu zuten despedida moduan, izan zirenaren adierazgarri txiki bat uzteko. 50 kontzertu inguru ematea lortu zuten 1998. arte, baina tamalez, jendea ez zegoen prest berain indie rockarako. Teklatua eta guzti zeramaten, jainkoarren!! 

Underground barruan desagertu egin ziren. “Ez gara inoiz itzuliko, ez dut uste orain gu ikustera jende gehiago etorriko zenik ere”, zioen Jon Martijak, taldeko kantari ohia. Revival bat ezinezkoa da lehen inolako arrakastarik izan ez duenarentzat... Horrelakoa da bizitza!!

The Window Ventanas, ingelesa eta gaztelaniazko hitzez osatutako izena nahasgarri horren atzean, Tolosako talde rock euskaldun itzel bat zegoen ezkutaturik. Lapsus Kalami, Dena Den edota QB7 taldeetatik zetozen musikari gazteak ziren, pop rock estiloa jorratzeko asmoz, letra berezi eta ederrekin, zine eta pop erreferentzi ugariekin. Juanra bateria jolearen etxeko sotoan ensaiatzen zuten, ez bait zegoen heuren herrian lokalarik rock bandentzat. 1991. urtean maketa polit bat ekoiztu zuten, "Hilbeltza" izenburuarekin. Sei kanta gorde zituzten lan horretan, "Itxuraldaketa", "Azken egia", "Zornaturik", "Haizearen itzala", "Zu zeu" eta "Tomi Tomlin". Bakarrik 250 ale banatu omen zituzten...  

1992. urtean, Tolosako Galtzaundi Euskara taldeak Tolosaldeko musika talde gazteak elkartu eta bideo bat kaleratu zuen. Lehen Martxaundi bilduma izan zen. Hona hemen The Window Ventanas taldearen unetxo audiobisual ordainezin bat...

El grupo de rock vasco The Window Ventanas surgió en Tolosa (Gipuzkoa) hacia 1990. Detras de ese curioso y anticomercial, nombre, se escondían Miren Maite a la guitarra y Eduardo a los teclados. Al poco tiempo se les uniría Juanra, batería y dueño del local de ensayo, Mikel y su bajo y Jon, el cantante elegante de la banda tolosarra. En 1991 The Window Ventanas grabaron una maketa titulada "Hilbeltza" (Enero). Dicen que su primer concierto, tras lanzar la maketa, fue como teloneros del conocido americano The Original Sins. En 1997  The Window Ventanas publicaron su primer álbum que, a modo de resumen, cerraría la carrera del grupo. Son 16 temas en euskera, incluyendo una versión de los Sex Museum. Creo,que existe un video con un concierto completo del grupo grabado en Tolosa en 1992... ¡Ojala algun dia vea la luz!

ETORKIZUNERAKO LEIHOAK IREKIAK DAUDE 

Gorka Jimenez (1991. urtea)

The Window Ventanas, ingeleses eta erdarazko hitzez osatutako izena nahasgarria gerta badaiteke ere, taldea gauzatu aurretik bazekiten zein hizkuntzatan jorratu bere musika. Aurretik QB7, Lapsus Kalami edota Dena Den taldeetan aritu ziren, Tolosa herriko musika lokalaren artxibategietan historia apur bat idatzi zutenak. Une latzak jasan zituzten punkaren garaiak zirenean, beraiek pop rock musika lantzen ziharduten eta. Ez gutxitan eskegi zieten, ezjakinaren mezpretxuz, "popero" antzeko "Sanbenitoak". Tinko murgildu ziren halaere irekitako ildoetan barrena.

Tolosan, 1990. urtean, jasotako zenbait etenaldien ondoren, The Window Ventanas jaiotzen da. Mirenmaite (kitarra), eta Eduardo (teklatuak) izan dira jaioberriaren gurasoak. Herri gehienetan gertatzen den antzera eta, zehazki heuren jatorrizko herrian, talde batek eduki dezaken arazorik nagusiena lokalarena da. The Window Ventanas taldearen kasua ez da besteeekiko ezberdina, izan ere, udaletxeak entsaiu lokala eskaintzeko asmoz egindako zin egitea asmo hutsean geratzen bait da. Lokal ezaren arazoari taldea osatzearena gehitzen zaio. Mugitzeko garaia iristen da eta, orduantxe, agertzen zaie salbatzaile modura Juanra lagun zaharra. Bere izango da etxeko sotoa entsaiu lokal bezala moldatu eta taldeari bateria erantsiko dion hirugarren taldekidea. Beranduago, taldea beste lagun zahar batekin, Mikel (baxua), eta Jon Martija jaunarekin (ahotsa) osatuko dute.

Ordurako, heuren lehen maketa beteko duten konposaketa guztiak egituratuak eta sarritan entsaiatuak dituzte Eduardo eta Mirenmaitek. Doinu berberekin horrenbestez aritzeak maketa ateratzearen irrikia ere. Horrela, Mikel eta Jon bi hilabete eskasaz prestatu ondoren, estudiora sartuko dira. Jon abeslariaren lehen esperientzi musikala izango da. "Hilbeltza" izeneko lehen maketa mamitzen dute zinta kasete moduan. Hiru kantu alde bakoitzeko, "Itxuraldaketa", "Azken egia", "Zornaturik", "Haizearen itzala", "Zu zen" eta "Tommi Tomlin".

Maketa freskua besapean, lehen kontzertua suertatuko zaie The Original Sins talde iparramerikarraren teloilari modura. Orokorki, musikari dagokionez, nahiz eta inongo  estilo zehatzetan ez kokatu, musika estilo ezberdinak gogotik entzun dituztela nabari da. Nolabait esatekotan, psikodeliaren eremutan finka ditzazkegu. Teklatuen pisua eta kitarraren erabilera trebea, bertan, azpimarragarriak direla. Benetan atmosfera trinko eta misteriotsuak eraikitzeko gauza dira The Window Ventanas taldekoek. Mamitsuak beti, iradakorrak batzutan, zehatzagoak bestetan, esistentzial kutsua darie abesten dituzten hitzei. Euskeraz eginiko musikari falta zaion hutsunea betetzeko iritsi dira The Window Ventanas taldekoak. Oraingoz, promesa dira. Lehen maketatik plazaratutako 250 kopiak jada agortuak dituzte, epe laburrera beste horrenbeste ateratzear daude. Denborak esango du, gerokoak geroko. Etorkizunerako lehioak ireki dituzte..."